Atlanta ko'chalariga g'azablangan olomon 26 yoshli eko-faolning o'limiga javoban derazalarni sindirib, politsiya mashinasini yoqib yubordi. Bu haqda New York Times xabar berdi.

^{Surat: Anadolu Ajansi.}

Qayd etilishicha, Atlanta politsiyasi boshlig‘i Darin Shierbaum jurnalistlarga ko‘plab namoyishchilar portlovchi qurilmalar bilan topilganini aytgan. Qurilmalardan biri Atlanta politsiyasining mashinasini yoqib yuborish uchun ishlatilgan.

“Antifa a'zolarining "G'azab kechasi" chaqirig'idan so'ng ko'chaga chiqqan namoyishchilar Atlanta politsiya departamenti avtomobillariga g'isht uloqtirib, mulkni sindirishayotganini ko'rishgan”, deyiladi xabarda.

Politsiya hisobotiga ko‘ra, kamida olti kishi hibsga olingan va uchta korxona zarar ko'rgan.

^{Atlantada shanba kungi namoyishlarda namoyishchilardan biri  hibsga olindi. Surat: REUTERS.}

Jorjiya gubernatori Brayan Kemp shanba oqshomida namoyishchilarning harakatlarini qoraladi .

"Zo'ravonlik va mulkni noqonuniy yo'q qilish norozilik harakati emas", "Bular toqat qilib bo'lmaydigan jinoyatlardir va to'liq javobgarlikka tortiladi",– deb yozdi u Twitterda.

Schierbaumning aytishicha, norozilik namoyishlari shaharda kechki soat 17:00 atrofida tinch yo'l bilan boshlangan, ba'zi a'zolar mulkni sindira boshlagan. ATF va FQB tergovga yordam bermoqda.

^{21-yanvar, shanba kuni Atlantadagi norozilik namoyishlari chog‘ida Wells Fargo filialida shisha singan. Surat: New York Times.}

Bu tartibsizlik boshlanishiga, Jorjiya shtati patrul xizmati xodimlari tomonidan o'rmonli hududda "Cop City" deb nomlangan kelajakdagi politsiya o'quv markazini qurilishiga to'sqinlik qilishga urungan eko-faollardan biri Manuel Esteban Paez Teranning otib o‘ldirilishi sabab bo‘ldi. Rasmiylarning aytishicha, o‘ldirilgan eko-faolning o‘zi avval bir zobitni otib, yaralagan.

^{26 yoshli Manuel Teran Jorjiya shtat askarini otib o'ldirgani uchun o'ldirilgan. Surat: REUTERS.}

Namoyish "Atlanta o'rmonidan sahnalar" deb nomlangan guruh chorshanba kuni ijtimoiy tarmoqda "qasos olishga" chaqirgan postini qo'yganidan keyin sodir bo'ldi.

“20-yanvar, juma kuni, qayerda bo‘lsangiz ham, halok bo‘lgan o‘rtoqimiz xotirasini hurmat qilish maqsadida g‘azab kechasida qatnashishga taklif qilinadi”, — deyiladi xabarda.

O‘quv markazining muxoliflari bir yildan ortiq vaqt davomida atrofdagi daraxtlarga platformalar va maydonda qarorgoh qurishga qarshi norozilik bildirishmoqda.

Ularning ta'kidlashicha, Atlanta Politsiya Jamg'armasi tomonidan quriladigan 90 million dollarlik loyiha atrof-muhitga zarar keltiradigan ko'plab daraxtlarni kesishni o'z ichiga oladi.

Faollar Teranning o'limi bilan bog'liq voqealarning politsiya versiyasini shubha ostiga qo'ydi va huquq-tartibot idoralari kamerasi tasvirlarini oshkor qilishga chaqirdi. GBI juma kuni otishma aks etgan kamera tasvirlari yo'qligini aytdi.

Bir necha bor tinch namoyishchilar ekanliklarini da'vo qilgan "Stop Cop City" vakili WSB-TV ga bergan bayonotida o'z harakatlarini zo'ravonliksiz deb himoya qildi.

• AQSh
• Namoyish