Science Robotics internet nashri amerikalik muhandisning ishlanmasini e’lon qildi. Stenford universiteti xodimi bo‘lmish bu olim yasama qush panjasi o‘rnatilgan dron yaratdi.
Muhandis o‘z ishlanmasini SNAG deb atamoqda, u tadqiqot ustida o‘zining shaxsiy qiziqishi tufayli shug‘ullangan. Tadqiqotchining qayd etishicha, hozirgi dronlar o‘zida yuqori texnologik taraqqiyot unsurlarini birlashtirgan, ammo bu ular ideal ko‘rinishda degani emas. Shu bois u dronlar konstruksiyasini o‘zgartirishni o‘ziga maqsad qiladi.
Olimning aytishicha, panja qanotli jonivorlar uchun juda ahamiyatli. Qushlar o‘z panjalari bilan predmetlarni tutadilar, yemish topadilar, ov qiladilar, bundan tashqari, qush panjalari qo‘nishda daraxt shoxlarini tutishda va parvoz oldi yerdan ko‘tarishda kerak bo‘ladi.
Kashfiyotchi dronlarni ishlatishda quvvat iqtisod qilish asosiy muammoligini ta’kidlarkan, dronlarga yasama panjalar o‘rnatilsa, ular daraxt shox-shabbasiga ilashib quvvatini asrashi mumkin, – deydi. Shu bilan bir qatorda, dronlar o‘z panjalarida nimadirni eltishi, ya’ni muhim biron vazifani bajarishi mumkin.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!