Amerika ma’muriyati AQShda zarur hujjatlarsiz yashayotgan yuz minglab muhojirlarga huquqiy maqom bermoqchi, deb yozadi “Zakon.kz”.

CBS telekanaliga ko‘ra, chora AQShda kamida 10 yil yashab, Amerika fuqarolari bilan turmush qurgan noqonuniy muhojirlarga taalluqlidir. Ularga ishlash uchun ruxsatnoma beriladi va deportatsiyadan kafolatlanadi.

Ta’kidlanishicha, tashabbus 18-iyundayoq e’lon qilinishi mumkin. Biroq reja hozircha ma’muriyat tomonidan tasdiqlanmagan. Oq uy vakilining CBS telekanaliga aytishicha, hali yakuniy qaror qabul qilinmagan.

Oxirgi statistik ma’lumotlarga ko‘ra, AQShda 11 millionga yaqin noqonuniy muhojirlar istiqomat qiladi. Ushbu dastur immigratsiya siyosatini kuchaytirish tarafdori bo‘lgan AQSh Kongressidagi respublikachilarning keskin tanqidiga sabab bo‘lishi kutilmoqda.

• AQSh
• muhojir