21-yanvar kuni kechqurun AQShdan deportatsiya qilingan O‘zbekiston fuqarolari mavjud yana bir charter reys Toshkentga yetib keldi.

Tashqi ishlar vazirligi matbuot kotibi Ahror Burxonov AQShda noqonuniy bo‘lgan 44 kishi vatanga qaytarilganini ma’lum qildi.

Uning so‘zlariga ko‘ra, O‘zbekiston fuqarolarining “xavfsiz va o‘z vaqtida qaytarilishi” uchun parvoz AQShning mas’ul idoralari bilan hamkorlikda tashkil etilgan.

“Yurtimiz fuqarolarining o‘zga davlatlarda xavfsizligini ta’minlash, ularning qonuniy huquqlarini himoya qilish va ularni vataniga qaytarish borasidagi hamkorlik davom etmoqda”, — deb qo‘shimcha qildi Burxonov.

Aviatsion xizmatlar ma’lumotlariga ko‘ra, parvoz Amerikaning Omni Air International charter aviakompaniyasiga tegishli Boeing 767−300 samolyotida amalga oshirilgan. Shu aviakompaniya 10-oktyabr kuni ham deportatsiya reysini amalga oshirgan.

• AQSh
• Deportatsiya
• O‘zbekistonlik
• fuqaro