Kentukki shtatining g‘arbida sodir bo‘lgan tornado eng kamida 50 nafar insonning umriga zavol bo‘lgan bo‘lishi mumkin. Bu haqda shtat gubernatori Endi Beshir ma’lum qildi.

"Bizningcha, voqea qurbonlari soni 50 nafardan oshishi mumkin, u 70 yoki 100 nafarga yetishi mumkin" – dedi gubernator.

Tornado Meyfild shahriga katta talofat yetkazdi, ushbu shahardagi sham ishlab chiqaruvchi fabrikaning tomi quladi.

Gubernatorning qayd etishida, ushbu tabiiy falokat shtat tarixidagi eng dahshatli tornado bo‘lgan.

Tornado oqibatida Tennessi, Arkanzas, Missuri va Illinoys shtatlari anchagina talofat ko‘rdi. Illinoys shtatida joylashgan Amazon elektron tijorat kompaniyasiga tegishli omborning ham tomi qisman qulab tushdi, omborda esa odamlar bo‘lgan. 

• AQSh
• Tabiiy ofat
• tabiat