AQSh moliya vazirligi seshanba kuni davlat qarzi tarixda birinchi marta rasman 31 trillion dollardan oshganini ma’lum qildi.

G’aznachilikning ommaga e’lon qilingan ma’lumotlariga ko’ra, 3 oktyabr holatida AQSh hukumatining jami 31 trillion 123 milliard 887 million 781 ming 401 dollar 34 sent qarzi bor.

Qayd etilishicha, Kongress tadqiqot xizmati prezident Jo Bayden inauguratsiyasi paytida, 2021 yil yanvar oyida qarz 27,75 trillion dollarni tashkil etganini ma’lum qilgan.

“Bu bor-yo'g'i besh yil oldin 21 trillion dollar edi”, - deb ta’kidladi texaslik kongressmen Chip Roy.

Manbalarga ko‘ra, Prezident Donald Tramp 2017-yilda prezidentlikka kelganida davlat qarzi 19,94 trillion dollarni tashkil etgan.

Ma’lumot uchun, qarzning katta qismi xususiy shaxslar tomonidan 24 trillion dollarga teng, xorijiy hukumatlar oldidagi qarzlar esa qariyb 7 trillion dollarni tashkil qiladi.

Dunyoning katta qismi bilvosita AQSh dollarini global zaxira valyutasi sifatida subsidiyalaydi.

• AQSh
• Bayden
• Tashqi qarz
• Yevropa Ittifoqi