Qozog‘istonning Aqtau shahrida halokatga uchragan samolyotning qora qutisi topildi. Bu haqda transport prokuraturasi vakili Aqtauda bo‘lib o‘tgan brifingda xabar bergan.

Ma’lum qilinishicha, ovoz yozish moslamasi deshifrlash uchun tergovchilarga topshirilgan.

Shuningdek, brifingda, marhumlarning qarindoshlari jasadlar kimga tegishli ekanini aniqlashi va ularni tergov harakatlaridan keyin olib ketishi mumkinligi qayd etilgan.

Eslatib o‘tamiz, kecha, 25-dekabr kuni Ozarbayjon aviakompaniyasining Boku-Grozniy reysi bo‘yicha uchayotgan samolyoti Qozog‘istonning Aqtau shahrida halokatga uchragani xabar qilingan edi. Samolyot yo‘lovchilaridan 37 kishi Ozarbayjon, 16 kishi Rossiya, 6 kishi Qozog‘iston va uch kishi Qirg‘iziston fuqarosi bo‘lganligi ta’kidlangan. Dastlabki ma’lumotlarga ko‘ra, samolyotning qulashiga qushlar galasi bilan to‘qnashuv sabab bo‘lgan. Hozirgacha, halokat oqibatida 38 kishi halok bo‘lgani ma’lum qilingan.

• Aviahalokat
• Ozarbayjon
• Qozog‘iston