Qirol Salmon 28-may kuni maxsus farmon bilan 2 322 Haj ziyoratchilariga o‘rin ajratdi. Shu jumladan, ziyoratga Isroil tomonidan o‘ldirilgan yoki yaralangan, shuningdek, Isroil qamoqxonalarida saqlangan falastinliklarning 1 000 oila a’zolarini qabul qilishni buyurdi. Bu haqda “Arab news” xabar berdi.

Shuningdek, Saudiya Arabistoni qiroli 88 davlatdan yana 1 300 kishi uchun imtiyoz ajratgan. Bundan tashqari, 22 ta o‘rin Siam egizaklari tug‘ilgan xonadonlardagi tarbiyachilarga ajratilgan.

Qayd etilishicha, ushbu qaror Islom ishlari, da’vat va shariat vazirligi tomonidan tashkil etilgan “Ikki muqaddas masjidning Haj va Umra uchun mehmonlari” dasturining bir qismi hisoblanadi. Ushbu dastur 26 yil oldin tashkil etilgan bo‘lib, unda 60 000 dan ortiq ziyoratchilar qabul qilingan.

Islom ishlari, da’vat va shariat vaziri Abdullatif ibn Abdulaziz Al-Shayxning aytishicha, bu buyruq Saudiya rahbariyatining butun dunyo musulmonlariga doimiy g‘amxo‘rligi va musulmonlar o‘rtasida birlik va birodarlikni mustahkamlash borasidagi sa’y-harakatlarini aks ettiradi.

Bundan tashqari, vazirning aytishicha, ushbu ziyoratchilarni qabul qilishga tayyorgarlik boshlangan va strategik reja ishlab chiqilgan.

• Haj
• Kvota
• Saudiya Arabistoni