Yanvar oyida Argentinada qashshoqlik darajasi keskin ko‘tarilib, 57,4 foizga yetdi. Bu so‘nggi 20 yildagi eng yuqori ko‘rsatkichdir. Bu haqda “RBK” ma’lum qildi.

Qayd etilishicha, Argentina Katolik Universiteti tomonidan o‘tkazilgan tadqiqotga ko‘ra, Argentinada 27 millionga yaqin odam kambag‘al va ularning 15 foizi qashshoqlik chegarasidan past va oziq-ovqatga bo‘lgan ehtiyojini qondira olmaydi.

Yanvar oyida qashshoqlikning ortishiga prezident Xaver Miley 10-dekabrda lavozimga kirishganidan ko‘p o‘tmay Argentina pesosi devalvatsiya sodir bo‘lgan. Bu mamlakatning asosiy oziq-ovqat savatchasi, shuningdek, xizmatlar va nooziq-ovqat tovarlari narxlarining oshishiga olib keldi.

Tadqiqot shuni ko‘rsatdiki, ishlayotgan oilalar va ijtimoiy dasturlardan nafaqa olmaydigan o‘rta sinf eng ko‘p zarar ko‘rgan.

Tadqiqotchi Eduardo Donzaning aytishicha, narxlarning oshishi argentinaliklarga salbiy ta’sir qiladi va mart oyigacha qashshoqlik mamlakat aholisining kamida 60 foiziga ta’sir qiladi.

Argentinaning yillik inflyatsiya darajasi 2023-yil dekabrda 211 foizdan oshgani xabar qilingan edi. Bu Lotin Amerikasidagi o‘n yilliklardagi eng yuqori ko‘rsatkichdir.

• Argentina
• Kambag‘allik