Ijtimoiy tarmoqlarda “Asalhoney” nomi bilan mashhur bo‘lgan insta-blogerning qotilligida gumondor qo‘lga olindi. Yigit voqea qanday bo‘lgani haqida gapirib berdi.

Olib borilgan o‘rganishlar natijasida blogerni o‘ldirgan shaxs xorazmlik 25 yoshli yigit bo‘lgan. Sud tibbiy ekspertizasining xulosasiga ko‘ra, A.X.ning murdasi 1 kundan ko‘p 3 kundan kam bo‘lgan vaqt orasida aniqlangan. Yigit 2021-yilning yoz faslida instabloger bilan tanishib, u bilan uchrashish uchun 300 dollar taklif qilgan. Yigitda bu mablag‘ yo‘qligi sabab 2022-yilning fevral oylarida yana A.X. bilan aloqaga chiqqan. O‘sha paytda ayol yigitni haqorat qilgan.Karimbergan esa Xo‘jayevaning yashash manzilini kuzatib borgan.

So‘ng uning uyiga bostirib kirib, pichoq bilan qorin sohasiga zarba bergan va bo‘g‘ib o‘ldirgan. Shuningdek, xonadondagi 31 million so‘m, Xo‘jayevaning bank kartasidagi bir million so‘mdan ziyod pulni qo‘lga kiritgan. Bundan tashqari, ertalabgacha xonadonda qolib, bu pullarni onlayn qimor o‘yinlariga sarflagan.

Prokuraturaning ma’lum qilishicha, jinoyat ishlari bo‘yicha K.ga nisbatan avvalgi ayblovga qo‘shimcha qilingan. Unga nisbatan Jinoyat kodeksining 97-moddasi (Qasddan odam o‘ldirish) 2-qismi tegishli bandlari, 164-moddasi 3-qismi (Bosqinchilik) jinoyatlarini sodir etganlikda aybdor deb topilib, jinoyat ishi mazmunan ko‘rib chiqish uchun sudga yuborilgan.

• Bloger
• Instagram
• Qotillik