Avvalroq, Zarafshonda bir guruh shaxslarni ular oltin qumlarini qazib olayotgani jarayonida qum bosib qolgani va ularnin soni 40-50 nafar boʻlishi mumkinligi haqida maʼlum qilingan edi.

Bosh prokuratura mazkur xabarni tasdiqlab, qum bosib qolgan fuqarolarning soni 40-50 nafar emasligini maʼlum qildi.

“Ijtimoiy tarmoqlarda 40-50 kishini qum bosib qolganligi haqida tarqalgan maʼlumotlar haqiqatga to‘gʻri kelmaydi”, – deyiladi Bosh prokuratura xabarida.

Hodisaga berilgan rasmiy izohga koʻra, Navoiy viloyati Konimex tumani Karakata O.F.Y. hududida joylashgan Lolazor nomli choʻl hududida tuproq tarkibidan tillo qumlarini kavlab olish bilan shugʻullangan bir guruh fuqarolar qum ostida qolgan va ularning 4 nafari vafot etgan.

Hozirda mazkur holat yuzasidan tuman prokuraturasi tomonidan tergovga qadar tekshirish harakatlari olib borilmoqda. 

• FVV