Avstraliya hukumati Rossiyaga qarshi sanksiyalarni kengaytirdi. 16 kishi, jumladan, qishloq xo‘jaligi vazirligi rahbari Dmitriy Patrushev, transport vaziri Vitaliy Savelyev, shuningdek, gimnastikachi va Milliy media guruhi direktorlar kengashi rahbari Alina Kabaeva va bir qancha tadbirkorlar qora ro‘yxatga kiritilgan.

Sanksiyalar roʻyxati Avstraliya tashqi ishlar vazirligi saytida eʼlon qilingan.

Ro‘yxat:

• Qishloq xo'jaligi vaziri Dmitriy Patrushev,
• Transport vaziri Vitaliy Savelyev,
• Qurilish va uy-joy kommunal xo‘jaligi vaziri Irek Fayzullin,
• Bolalar huquqlari bo'yicha vakil Mariya Lvova-Belova,
• “Gazfond” NPF prezidenti Yuriy Shamalov,
• Sogaz direktorlar kengashi a'zosi Mixail Klishin,
• “Rosgeologiya" OAJ boshqaruvi raisi Sergey Gorkov,
• Kiev Ploshchad kompaniyasi asoschisi God Nisanov,
• AFK Sistema sobiq prezidenti Evgeniy Novitskiy,
• Grigoriy Berezkin, ESN kompaniyalar guruhi egasi,
• Igor Kesaev, Merkuriy kompaniyalar guruhi prezidenti,
• ishbilarmonlar Aleksandr Plexov va Igor Putin,
• Sogaz boshqaruvi raisi o‘rinbosari Mixail Putin,
• MRT kompaniyalar guruhi direktorlar kengashi raisi Roman Putin,
• Alina Kabaeva.

Sanksiyalar Rossiyaning Ukrainadagi jangovar harakatlariga javoban joriy etilgan.

Ma’lumot uchun, joriy yil may oyida Avstraliya “Rossiya segodnya” xalqaro axborot agentligi bosh direktori Dmitriy Kiselyovga nisbatan sanksiyalar joriy qilgan edi. Sanksiya roʻyxatidan Rossiya davlat xizmatchilari, jumladan, FSB direktorining birinchi oʻrinbosari Sergey Korolev, RT bosh direktori Aleksey Nikolov va Favqulodda vaziyatlar vazirligi rahbari vazifasini bajaruvchi Aleksandr Chupriyan ham bor.

• Amaldorlar
• Avstraliya
• Rossiya
• Sanksiya
• Vazirlik