10°
Kechasi 5°
Avstriya hukumati COVID-19 ga chalinish bilan bog‘liq keskin vaziyat tufayli 22-noyabrdan boshlab mamlakatda lokdaun joriy qildi, deb xabar bermoqda "Dunyo" axborot agentligi.
O‘zbekistonning Venadagi elchixonasidan ma’lum qilishlaricha, lokdaun choralari birinchi bosqichda 20 kunga, ya’ni 13-dekabrga qadar amal qiladi. Ushbu cheklovlar keyinchalik yana o‘n kunga uzaytirilishi mumkin. Hukumatning qaroriga ko‘ra, umumiy lokdaundan so‘ng COVID-19 ga qarshi emlanmaganlar uchun cheklovlar o‘z kuchida qoladi.
13-dekabrga qadar mamlakatda komendantlik soati amal qiladi. Komendantlik soatida uydan faqat ish, o‘qish, sog‘liq uchun sayr yoki oziq-ovqat xaridi uchun chiqishga ruxsat beriladi. Shu bilan birga, ish beruvchilarga xodimlarni masofaviy ish shakliga o‘tkazish tavsiya etildi.
Oziq-ovqat do‘konlari, dorixonalar hamda kundalik turmush ehtiyojlarini ta’minlab turadigan boshqa qator tizimlardan tashqari barcha muassasalar faoliyati to‘xtatildi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
