31°
Kechasi 18°
Avstriyadan O‘zbekistonga COVID-19’ga qarshi kurashni qo‘llab-quvvatlash doirasida “AstraZeneca” 150 ming doza vaksina jo‘natildi.
“Dunyo” axborot agentligining O‘zbekistonning Venadagi YeXHT va boshqa xalqaro tashkilotlardagi doimiy missiyasi ma’lumotiga tayanib xabar berishicha, vaksinalar Avstriya hukumati tomonidan beg‘araz yordam va mustahkam do‘stlik ramzi sifatida taqdim etilgan.
O‘zbekistonning Venadagi elchisi Abat Fayzullayev Avstriya tashqi ishlar vazirligi vakillari bilan birgalikda Toshkentga insonparvarlik yuklarini jo‘natish marosimida ishtirok etdi.
Qayd etilishicha, gumanitar yordam ko‘rsatish bo‘yicha kelishuvga Avstriya Yevropa va tashqi ishlar federal vaziri Mixael Linxartning 7-8-noyabr kunlari O‘zbekistonga tashrifi chog‘ida erishilgan.
Vaksinalarni manzilga bezarar yetkazib berish uchun tomonlar tibbiy mahsulotlarni tashishning barcha jihatlarini ta’minlashni nazarda tutgan.
“Xususan, vaksinalar maxsus sovutgichli konteynerga joylashtirildi. Unda sovutish jarayoni va 2-7 darajali harorat ta’minlanadi. Yukni Toshkentga yetkazish “Vie Pharma Handling Center” maxsus trasport xizmati tomonidan amalga oshirilmoqda”, – deyiladi “Dunyo” xabarida.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
