Ma’muriy javobgarlik to‘g‘risidagi kodeksga kiritilayotgan o‘zgartish bilan jamoat transporti uchun alohida ajratilgan yo‘laklarda harakatlanish qoidalarini buzgan haydovchilar uchun javobgarlik ko‘zda tutilmoqda. Ayni vaqtda tegishli qonun loyihasi parlamentda muhokama qilinmoqda.

Agar ushbu qonun kuchga kirsa, bunday harakatni birinchi marta sodir etganlik uchun – bazaviy hisoblash miqdorining 3 baravari (1 mln 125 ming so‘m) miqdorida, bir yil davomida takroran sodir etilgan bo‘lsa – bazaviy hisoblash miqdorining 5 baravari (1 mln 875 ming so‘m) miqdorida jarima belgilanishi mumkin.

Qonun loyihasi kuchga kirishi uchun Quyi palatada qabul qilinib, Senat tomonidan ma’qullanishi hamda prezident tomonidan imzolanishi kerak.

• Avtobus
• Jarima
• Qoidabuzarlik