31°
Kechasi 18°
Ijtimoiy tarmoqlarda avtoraqamlarga ism yozib sotish boshlandi mazmunidagi xabarlar tarqalmoqda. Bu xabarlar qanchalik haqiqatga yaqin?!
O‘zbekiston milliy axborot agentligi(UzA) bosh direktorining birinchi o‘rinbosari, huquqshunos va bloger Xushnud Xudoyberdiyev rasmiy kanali orqali bu haqda ma’lumot berib o‘tdi:
“Ismlarni davlat raqami sifatida sotish boshlanibdi, degan video tarqalmoqda. Bu xabar yolg‘on. Katta ehtimol bilan, bu video shunchaki hazil tariqasida olingan xolos.
Hukumat qaroriga ko‘ra, ushbu tizim 2026-yil 1-yanvardan boshlanadi. Bundan tashqari 2026-yil 1-oktyabrdan boshlab avtoraqam.uzex.uz sayti orqali avtoraqamlar auksioni to‘xtatiladi.
Raqamlarni tanlash va sotib olish Yo‘l harakati xavfsizligi xizmatining(GAI) rasmiy sayti va mobil ilovasida, yagona portalda (my.gov.uz) hamda hududiy GAI boshqarmalarida o‘rnatilgan infokiosklarda amalga oshiriladi.
1-yanvardan boshlab chiroyli raqamlarni sotib olishning ham mutlaqo yangi va ko‘pchilikka yoqadigan(arzon va qulay) tizimi ishga tushadi, bu haqda tez orada batafsil videoda tushuntirishga harakat qilaman” - deb yozadi bloger o‘z sahifasi orqali.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
