Oksford universiteti professori Robin Dunbar tomonidan o‘tkazilgan va ”HUMOR” jurnalida chop etilgan tadqiqotda olimlar ayollar va erkaklar uchun ko‘proq qanday ko‘rinishdagi hazillar kulgili bo‘lishini aniqlashdi. Ikkala jinslarning hazil tuyg‘usida ham o‘xshashlik, ham farqli jihatlar mavjud.

Mutaxassislar guruhi yangi tadqiqotda erkaklar ayollarga qaraganda vizual hazillarni ko‘proq qadrlashini aniqladi. Shu bilan birga, ayollar siyosiy sharhlarni o‘z ichiga olgan yoki odamlar o‘rtasidagi yaqin munosabatlar dinamikasini ko‘rsatadigan hazillarni afzal ko‘rishadi. O‘xshashlik nuqtai nazaridan, ikkala jins vakillari ham oilaviy munosabatlarni aks ettiruvchi hazillarni yaxshi qabul qilishadi.

Tadqiqot Londondagi karikatura muzeyida o‘tkazilgan. U yerda mashhur rassomlarning bosma karikaturalari ko‘rgazmasiga tashrif buyurgan 3380 kishidan ma’lumot to‘plangan.

Ayol ishtirokchilar kundalik vaziyatlar haqidagi va siyosiy izohlar bilan qilingan hazillarni, erkak ishtirokchilar esa vaziyatli (fars) hamda vizual hazillarni afzal ko‘rishgan.

• Psixolog
• salomatlik