Keniyada suv toshqini qurbonlari soni 228 kishiga yetdi. Bu haqda “Zakon.kz” xabar berdi.

“TASS” xabariga ko‘ra, pasttekisliklar va qirg‘oq bo‘yi hududlarida vaziyat yanada yomonlashishi kutilmoqda. Shuningdek, qiyalik va jarliklar bo‘lgan hududlarda ko‘chki va sel oqimlari sodir bo‘lishi mumkin. Bir oy davom etgan suv toshqinlari uylar, yo‘llar, ko‘priklar vayron bo‘lishiga va 210 mingdan ortiq odamning ichki ko‘chirilishiga sabab bo‘lgan.

Shuningdek, yomg‘irlar Sharqiy Afrikaning boshqa mamlakatlariga ham ta’sir qilgan. Shunday qilib, qo‘shni Tanzaniyada 155 kishi suv toshqinlari va ko‘chkilar oqibatida halok bo‘lgan. Uganda va Burundida qurbonlar va sezilarli vayronagarchiliklar yuz bergan. Sinoptiklarning fikricha, qit’aning sharqidagi yog‘ingarchilik sababi El-Ninyo iqlim hodisasidir.

• Keniya
• Suv toshqini