O‘zbekiston Respublikasining 2022-yilgi davlat byudjeti to‘g‘risidagi qonun ijrosini ta’minlash chora-tadbirlari to‘g‘risidagi Prezident qarorida bir qator mahsulotlar importi bo‘yicha bojlarni bekor qilish nazarda tutilgan.

Amaldagi qonunchilikka ko‘ra, go‘sht, saryog‘ va un mahsulotlari uchun stavkalar 5% va 20% orasida bo‘lgan. Shuningdek, mazkur bojlar bekor qilindi.

Qayd etilishicha, 2021-yilning 10-oktyabridan 31-dekabriga qadar bo‘lgan davrda go‘sht (mol, qo‘y, tovuq), tirik hayvonlar (qoramol va parranda) va ularni so‘yishdan olingan mahsulotlarni, kartoshkani hamda muzlatilgan baliqni realizatsiya qilish bo‘yicha aylanma va ularni mamlakat hududiga olib kirish QQSdan ozod qilingan edi.

Bundan tashqari 2021-yilning 1-mayidan boshlab o‘simlik moyi, kungaboqar urug‘lari hamda zig‘ir va soya importi, shuningdek, o‘simlik moyini ishlab chiqarish va (yoki) sotish aylanmasiga (paxta yog‘idan tashqari) QQS stavkasi nolga tenglashtirilgan edi.

• Bojxona
• Prezident
• Qaror