Maktabgacha va maktab taʼlimi vaziri Hilola Umarova ayrim pedagoglar uchun 50 foiz miqdorda qo‘shimcha ustama to‘lanishini ma’lum qildi. Uning so‘zlariga ko‘ra, bu Oʻzbekiston Respublikasi Prezidentining “Oʻzbekiston – 2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturi toʻgʻrisida”gi farmonida ko‘rsatib o‘tilgan.

Farmonga koʻra, 2025-yil 1-fevraldan boshlab Maktabgacha va maktab taʼlimi vazirligi tizimidagi umumiy oʻrta taʼlim muassasalarida oʻzbek tili fani boʻyicha dars beruvchi hamda Bilim va malakalarni baholash agentligining milliy baholash tizimida olingan tegishli darajadagi oʻzbek tili va adabiyoti sertifikatiga ega boʻlgan pedagog kadrlarga ularning tarif stavkasiga nisbatan 50 foiz miqdorida har oylik qoʻshimcha ustama toʻlanadi.

• Maktabgacha va maktab ta'limi vazirligi
• O‘qituvchi
• O‘zbek tili