Bugun, 3-dekabr kuni O‘rta Chirchiq tumani  Xalq deputatlari Kengashining navbatdan tashqari sessiyasi bo‘lib o‘tdi. U deputatlarning tashabbusi bilan o‘tkazildi. Bu haqda O‘rta Chirchiq tumani hokimligi Axborot xizmati xabar bermoqda.

Navbatdan tashqari sessiyada tuman Kengashining 30-“Uyshun” saylov okrugidan saylangan deputat Feruza Babashevaning deputatlik vakolatini muddatidan ilgari tugatish masalasi ko‘rib chiqildi.

Xabarda keltirilishicha, “Xalq deputatlari viloyat, tuman va shahar kengashi deputatining maqomi to‘g‘risida”gi Qonunning 3-moddasiga asosan, Feruza Babashevaning deputatlik vakolatlari muddatidan ilgari tugatish to‘g‘risidagi qarorni sessiyada qatnashgan 24 nafar deputatdan 23 nafari yoqlab ovoz bergan.

Sessiya ishida Feruza Babashevaning deputatlik vakolatlari muddatidan ilgari tugatildi.

• O‘rta_Chirchiq
• sessiya