Bandlik vazirligi axborot xizmati O‘zbekistonda ishsizlik darajasi kamayganini ma’lum qildi.

Qayd etilishicha, 2023-yil yakuniga ko‘ra, ishsizlik darajasi 6,8 foizni tashkil etib, 2022-yilning mos davriga nisbatan 2,1 foizga kamaygan. 2023-yilning dekabr oyida Kambag‘allikni qisqartirish va bandlik vazirligi huzuridagi Mehnat bozori tadqiqotlari instituti tomonidan respublikaning 208 ta shahar va tumanida navbatdagi ijtimoiy so‘rovnoma o‘tkazildi.

Xalqaro mehnat tashkiloti tavsiyalari asosida o‘tkazilgan tadqiqot davomida 1000 ta o‘zini o‘zi boshqarish organlari, 10 000 uy xo‘jaliklari hamda 53 ming 300 nafar fuqaro qamrab olindi. 2024-yilning 1-yanvar holatiga mehnat resurslari soni 19 million 724 ming 900 kishini tashkil etib, 2023-yilning shu davriga nisbatan 207 ming 400 kishiga (1,1 foizga) oshgan.

• Bandlik
• ishsizlik