Bangladeshdagi ommaviy tartibsizliklar chog‘ida iste’foga chiqqan va mamlakatni tark etgan bosh vazir Shayx Xasina Buyuk Britaniyadan siyosiy boshpana so‘radi, deb xabar beradi Rossiyaning TASS agentligi.

Nashrning yozishicha, uni kuzatib kelayotgan singlisi Rexana Britaniya fuqarosi.

Bundan tashqari, Shayx Xasinaning qarindoshi Tyulip Siddiq 2015-yildan buyon Leyboristlar partiyasi nomidan Britaniya parlamenti deputati hisoblanadi. Yangi bosh vazir Kira Starmer kabinetida u moliya vaziri o‘rinbosari lavozimiga tayinlandi.

Shayx Xasinani olib ketayotgan samolyot Nyu-Dehlidan 40 kilometr uzoqlikdagi harbiy bazaga qo‘ngan.

Manbalarga ko‘ra, Hindiston rasmiylari unga yordam berishga rozi bo‘lgan, biroq u shunga qaramay Londonga jo‘nab ketmoqchi.

Eslatib o‘tamiz, Bangladeshdagi hukumatga qarshi namoyishlarda halok bo‘lganlar soni 90 nafarga yetgan.

• Bangladesh