“Davlat oliy ta’lim muassasalarining akademik va tashkiliy-boshqaruv mustaqilligini ta’minlash bo‘yicha qo‘shimcha chora-tadbirlar to‘g‘risida”gi Prezident qarori qabul qilindi.

Qarorga muvofiq, 2022/2023 o‘quv yilidan moliyaviy mustaqil davlat OTMlariga quyidagi vakolatlar berildi:
- akademik mustaqillik sohasida:
- o‘quv rejalari, dasturlari, malaka talablarini tasdiqlash, ta’lim shaklini belgilash;
- o‘qish davomiyligi muddatini belgilash;
- doktorantura kontrakti miqdorini belgilash, o‘z hisobidan grant ajratib doktoranturaga kvotaga qo‘shimcha qabul qilish;
- doktorant va mustaqil izlanuvchilarga ilmiy rahbarlik qilish tartibini tasdiqlash;
- magistratura uchun sirtqi, masofaviy va kechki ta’limni joriy etish;
- akademik mobillikni amalga oshirish;
- o‘z grifi asosida darsliklar hamda boshqa o‘quv va ilmiy adabiyotlarni yaratish va nashr etish;
- ta’lim sifatini ichki nazorat qilish.
- tashkiliy-boshqaruvdagi mustaqillik sohasida:
- tijorat va notijorat tashkilotlarni tashkil etish;
- muassasa tuzilmasini tasdiqlash va shtatini belgilash;
- yangi ta’lim yo‘nalishlari va mutaxassisliklarni ochish, amaldagilarini tugatish;
- ishga qabul qilish, ozod etish va rotasiyasiga oid tartibni belgilash;
- masofaviy ta’limni ochish.

Qaror bilan Vazirlar Mahkamasi, vazirlik (idora)larning quyidagi vakolatlari ta’lim muassasalariga o‘tkaziladi:

- chet el fuqarolari o‘qishini xorijdan davlat OTMlariga ko‘chirish;
- qabul komissiyalari tarkibi, imtihon fanlarini tasdiqlash;
- amaliyot o‘tashni tasdiqlash;
- kiyim-boshga doir talablarni belgilash.

2022-yil yakunigacha barcha davlat OTMlarning o‘quv adabiyotlari to‘liq elektronlashtiriladi va yagona “Elektron kutubxona” platformasi ishga tushiriladi.
OTMlarda hisobotlarni tayyorlashning qog‘oz shaklidan voz kechiladi va Oliy ta’lim jarayonlarini boshqarish axborot tizimi: 
1-bosqichda – 2022-yil 1-martgacha quyidagilar joriy qilinadi:
“O‘quv jarayonini boshqarish” qismi (davomat, o‘zlashtirish qaydnomasi va reyting daftarchasi, guruh jurnali, dars va imtihon jadvallari raqamlashtiriladi);

-“Ilmiy jarayonni boshqarish” qismi;
- “Ma’muriy jarayonni boshqarish” qismi;
- “Moliya-xo‘jalik faoliyatini boshqarish” qismi;
- 2-bosqichda – 2022-yil 1-maygacha:
“Ta’lim sifatini nazorat qilish” qismi joriy qilinadi

• OTM
• Prezident
• Qaror