Bugun, 6-iyul kuni asli o‘zbekistonlik bo‘lgan rossiyalik milliarder Alisher Usmonov rafiqasi bilan rasman ajrashdi. Bu haqida uning xotini, Butun Rossiya badiiy gimnastika federatsiyasi (VFCG) prezidenti Irina Viner-Usmonova “Match TV” telekanaliga bergan intervyusida ma’lum qildi.

Usmonova ajrim “FHDYo” bo‘limida amalga oshirilganini ta’kidlagan.

“Biz FHDYo bo‘limida ajrashdik”, – deydi u.

Qayd etilishicha, Rossiya Federatsiyasining Oila kodeksiga ko‘ra, er-xotinning umumiy voyaga etmagan farzandlari bo‘lmasa va har ikkala tomon ajrashishga rozilik bildirsa, FHDYoda ajrimni davlat ro‘yxatidan o‘tkazishi mumkin.

Ma’lumot uchun, Alisher Usmonov va Viner-Usmonova 50 yilga yaqin birga yashashgan. 1992-yildan boshlab 30 yillik qonuniy nikohda bo‘lgandan so‘ng ajralishga qaror qilganlar. Ajrim tashabbusi 68 yoshli Usmonovning o‘zi hisoblanadi. Oila a’zolarining hech biri ajrashish sababini ochiqlamagan.

Milliarder mol-mulkini rafiqasi bilan bo‘lishish niyatida emas.

Eslatib o‘tamiz, avvalroq sud Irina Viner-Usmonova va Alisher Usmonovning nikohini bekor qilish bo‘yicha ish yuritishni to‘xtatgani haqida xabar berilgan edi.

• Ajrim
• mashhurlar
• milliarderlar