“Barselona” hujumchi Ansu Fatining “Atletik” bilan Ispaniya kubogi 1/8 finalida (3:2) olgan jarohati haqida bayonot berdi.

Unga koʻra, Fatining chap soni shikastlangan va jarohatning aniq darajasini aniqlash uchun keyingi sinovlar kutilmoqda.

Qayd etish joiz, hujumchi oʻyinning 61-daqiqasida zaxiradan maydonga tushdi va 35 daqiqadan soʻng jarohati sabab maydonni tark etdi. Oʻsha paytda Fati koʻz yoshlarini tiya olmadi.

Eslatib oʻtish mumkin, Fati 6-noyabrdan beri eski jarohati tufayli maydonga tushmadi. 12-yanvar kuni esa u maydonga qaytdi va Ispaniya Superkubogi yarim finalida “Real”ga gol urdi.

Soʻnggi tekshiruvlarga koʻra, 19 yoshli yarimhimoyachi 6 haftani oʻtkazib yuborishi mumkin.

• Futbol
• Xorij