Barselonaning Eski shahar (Ciutat Vella) hududida qazish ishlari olib borgan arxeologlar XІX asr shokolad fabrikasini topdi. Bu haqda “BELTA” xabar berdi.

Qayd etilishicha, ushbu kashfiyot Plasa-de-la-Lyanadagi to‘rt qavatli binoni ta’mirlash paytida topilgan.

“HeritageDaily” ma’lumotlariga ko‘ra, ular orasida V asrga oid o‘rta asr qal’asi qoldiqlari, XVIІ asrga oid qo‘shimchalar va XІX asrga oid shokolad fabrikasi izlari bor bo‘lgan.

Tarixiy matnlarda topilgan dalillarga ko‘ra, saroy dastlab Pia Almoina nomi bilan mashhur bo‘lgan Barselona sobori sadaqaxonasiga tegishli bo‘lgan. V asrda bino XVІ asrgacha mavjud bo‘lgan “Hostal de Sant Pere” nomli mehmonxonaga aylandi. 1825-yilda qayta tiklanganidan so‘ng, binoda Clemente Guardia shokolad fabrikasi joylashgan.

Zavod 1888-yilgi Barselona universal ko‘rgazmasining almanaxida eslatib o‘tilgan. O‘sha paytda u xushta’m shokolad va pastil (shakar xamiridan tayyorlangan glazur turi) va vanil shokoladi, shuningdek, draje ishlab chiqarish bilan mashhur edi.

XІX asrda zavod Barselonadagi eng mashhur shokolad ishlab chiqaruvchilardan biriga aylandi. U o‘z mahsulotlarini Ispaniya bo‘ylab va ushbu mamlakat tomonidan nazorat qilinadigan xorijiy hududlarga eksport qilgan.

Barselona arxeologiya xizmati (ICUB) mutaxassislari zavodda ko‘plab me’moriy elementlarni, shuningdek, yorliqlar yasashda foydalaniladigan saqlash idishlari va qo‘rg‘oshin plitalarini topgan.

• Barselona
• shokolad fabrikas