“Suriyaning sobiq prezidenti mamlakatni tark etishidan bir necha soat oldin 30 ga yaqin yuqori martabali razvedka va armiya mulozimlarini yig‘ib, ularga Rossiyadan harbiy yordam kelayotganini aytgandi”, — deya Reuters agentligiga ma’lum qilgan uchrashuvda ishtirok etgan qo‘mondonlardan biri.

“Asad vertolyotda Iroqqa yetib borgan va u yerdan Moskvaga jo‘nab ketgan ukasi Maherni ham ogohlantirmagan. Sobiq prezidentning rafiqasi Asma va ularning uch farzandi Asad uchib ketishidan oldin Rossiyada bo‘lgan”, – deb yozmoqda agentlik.

Umuman hisoblanganda, Suriya sobiq rahbarining mamlakatdan qochib ketishi uning atrofidagilar uchun kutilmagan holat bo‘lgani haqidagi ma’lumot agentlikka 10 dan ortiq manbalar tomonidan tasdiqlangan.

Shuningdek, “Dastlab Asad BAAga borishni rejalashtirgan, biroq mamlakat Yevropa va Amerika sanksiyalaridan qo‘rqib, uni qabul qilishdan bosh tortgan. Shu sababli Rossiya Asadning Moskvaga ketishini uyushtirdi”, — deyiladi xabarda.

• Ogohlantirish
• Prezident
• Rossiya
• Suriya