29-yanvar kuni Anqara shahrida Turkiya – Ozarbayjon – O‘zbekiston tashqi ishlar, savdo va transport vazirlarining uch tomonlama uchrashuvi bo‘lib o‘tdi. Ushbu uchrashuvda O‘zbekiston Tashqi ishlar vaziri Baxtiyor Saidov ishtirok etdi.

Tashqi ishlar vaziri Turkiyadagi safari davomida Turkiya Prezidenti Rajab Toyyib Erdo‘g‘anga Shavkat Mirziyoyevning maktubini yetkazdi. Bu haqda Baxtiyor Saidov o‘zining Telegram kanalida ma’lum qildi.

“Turkiya Prezidenti Rajab Toyyib Erdo‘g‘an Janobi Oliylari tomonidan qabul qilinganimizdan xursandmiz. O‘zbekiston Respublikasi Prezidenti Shavkat Mirziyoyev Janobi Oliylarining eng samimiy salomlari va maktubini yetkazdik. Rahbarlarimiz o‘rtasida o‘rnatilgan birodarlik rishtalari har bir sohada yaqin hamkorlik qilish uchun eng mustahkam poydevor yaratmoqda. Ming yillik tarix, an’ana va urf-odatlar bilan bog‘liq bo‘lgan xalqlarimiz farovon kelajakni barpo etish yo‘lida bir-biri bilan yaqindan hamkorlik qilmoqda” – deyiladi xabarda.

• Baxtiyor Saidov
• Erdogʻan
• Tashqi ishlar vazirligi
• Turkiya