Bugun, 10-iyun kuni Toshkentdagi “Bunyodkor” stadionida O‘zbekiston va Qatar terma jamoalari JCh-2026 saralashi doirasida maydonga tushadi. Bellashuv Qatar uchun guruhdagi hal qiluvchi o‘yinlardan biri hisoblanadi. Sababi jamoa bugungi ijobiy natija bilan saralashning keyingi bosqichida yaxshi imkoniyatga ega bo‘lib oladi. Intervyularda O‘zbekiston bosh murabbiyi Timur Kapadze va boshqa jamoa a’zolari ham bu uchrashuvga jiddiy tayyorgarlik ko‘rilganini, g‘alaba bilan xalqni xursand qilishni maqsad qilganini bildirdi.

Ma’lumot uchun, Osiyo mintaqasi saralashining 3-bosqichida “A” guruhidan o‘rin olgan O‘zbekiston terma jamoasi o‘tgan turda BAA mehmoni bo‘lib durrang qayd etgan holda muddatidan oldin o‘z tarixida ilk bor Jahon chempionati yo‘llanmasiga ega chiqqan edi.

Bahs Toshkent vaqti bilan soat 18:45 da start oladi.

• Bunyodkor
• Futbol
• O‘zbekiston
• Qatar