32°
Kechasi 19°
Isroil armiyasining blokadadagi G‘azo sektorining turli hududlariga ertalab uyushtirgan hujumlari natijasida 29 kishi halok bo‘ldi, ular orasida gumanitar yordam kutayotgan 10 nafar falastinlik bor. Bu haqda Andolu agentligi xabar berdi.
Zarbalarning asosiy nishoni tinch aholi va yordam kutayotgan ichki ko‘chirilganlar bo‘lgan.
Agentlikka ko‘ra, G‘azo janubidagi Xon-Yunus shahrida Isroil kuchlari Al-Mevasi tumanidagi uyga hujum qilib, ikki falastinlikni o‘ldirgan.
Xon-Yunusda ko‘chirilgan falastinliklarga tegishli 3 ta chodirning bombardimon qilinishi oqibatida 12 kishi halok bo‘lgan.
Bundan tashqari, Xon-Yunus markazida Isroil kuchlari falastinliklarga hujum qilib, hujum oqibatida 3 kishi halok bo‘lgan va yana ikki falastinlikning jasadi shaharning turli hududlarida vayronalar ostidan chiqarib olingan.
Shuningdek, G‘azo markazidagi Salahaddin shohko‘chasida Isroil armiyasi oziq-ovqat izlab gumanitar punktlarga yo‘l olgan falastinliklarga qarata o‘q uzgan, ushbu hujumda 10 kishi halok bo‘lgan, 50 dan ortiq kishi jarohatlangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
