Ikkinchi mintaqaviy hududga qarashli 6-son jazoni ijro etish koloniyasining kasb-hunar markazida Namangan viloyati Oshpazlar jamiyati raisi ishtirokida oshpazlik yo‘nalishida navbatdagi amaliy mashg‘ulot o‘tkazildi.

Mashg‘ulotda jazo muddatini o‘tayotgan, oshpazlik kasbiga qiziqish bildirgan mahkumlar jalb etildi. Dars davomida tajribali oshpaz tomonidan “Dimlama” taomini tayyorlash bosqichlari amaliy tarzda o‘rgatildi. Xususan, ovqat tayyorlashda gigiyenaga rioya qilish, mahsulotlarni to‘g‘ri maydalash, ziravori va tuz miqdorining muvozanatini saqlash kabi muhim jihatlar haqida batafsil tushunchalar berildi.

Shuningdek, mashg‘ulot jarayonida mahkumlarning qiziqtirgan savollariga mutaxassis tomonidan amaliy javoblar berildi.

• IIBB
• Jazo
• Namangan
• Oshpaz