AQSh prezidenti Jo Baydenning o‘g‘li Xanter Bayden Los-Anjeles sudida to‘qqizta federal ayblov bo‘yicha aybiga iqror bo‘ldi. U 17-yilgacha ozodlikdan mahrum etilishi mumkin.

Kichik Baydenning aytishicha, u noqonuniy ravishda qurol sotib olgani bo‘yicha sudlanganidan keyin oilasini yana azoblashni istamagani uchun shu qarorga kelgan.

Amerika qonunchiligiga ko‘ra, Xanter Bayden 17-yilgacha ozodlikdan mahrum etilishi yoki 1,3 million dollar miqdorida jarimaga tortilishi mumkin.

Bundan tashqari, kichik Baydenga 2018-yilda Colt Cobra revolverini xarid qilishda yolg‘on ishlatgani uchun 25-yilgacha qamoq jazosi tayinlanishi mumkin. Ayni vaqtida u sud eshituvi yakunlangunga qadar garov evaziga ozodlikda qoladi.

• AQSh
• Bayden