AQSh prezidenti Jo Bayden 2024-yilgi saylovlarda o‘z nomzodini olg‘a surmoqchi. Bu haqda Oq uy matbuot kotibi Jen Psaki birifingda ma’lum qilgan.

Bir muddat avvalroq The Washington Post Bayden hamda uning yaqinlari tarafdorlarni 79 yashar lider keyingi saylovlarda ham o‘z nomzodini qo‘yishiga ishontirgani haqida xabar bergandi. 

Bu urinishlar ayrim demokratlarning Bayden, ehtimol, keyingi saylovlarda qatnashmasligi mumkinligi, bu avvalo uning yoshi bilan bog‘liq bo‘lishini ta’kidlagani ortidan bo‘lgandi. Saylovlar boshlanganida prezidentning yoshi 81 da bo‘ladi. 

Yana bir holat – uning reytingi tobora pasayib borayotgani. Hozirgi paytda Baydenning siyosatini AQSh aholisining 40 foizi qo‘llab-quvvatlamoqda.

• AQSh
• Bayden