AQSh rasmiylari Yevropa Ittifoqidan O‘zbekiston va Tojikiston fuqarolari uchun aeroport tranzit vizasi talab qilishni so‘ragan.

Ma’lumotga ko‘ra, mazkur talab terrorchilarning AQShga kirib kelishining oldini olish boʻyicha keng koʻlamli saʼy-harakatlarning bir qismidir.

Bayden maʼmuriyati Yevropa Ittifoqi va bir qancha aʼzo davlatlarni Markaziy Osiyoning ayrim davlatlaridan kelgan sayohatchilarga nisbatan keskin choralar koʻrishi haqida ogohlantirdi.

Xabarda keltirilishicha, viza nazoratini kuchaytirish terrorchilarning AQShga kirib kelishining oldini olish boʻyicha keng koʻlamli saʼy-harakatlarning bir qismidir.
Bu talab yil boshida bir guruh muhojirlar “Islomiy davlat” bilan aloqasi boʻlgan kontrabandachi yordamida AQShga janubi-gʻarbiy chegaradan kirib kelgani bilan bog‘liq.

Ma’lumot uchun, AQSh Federal qidiruv byurosi avgust oyida janubiy chegarada boshpana so‘ragan O‘zbekiston va boshqa mamlakatlardan kelgan o‘ndan ortiq muhojirni tergov qilgan. O‘sha paytda FQB bergan bayonotida hech qanday aniq terrorchilik rejasi aniqlanmagan. Lekin rasmiylar IShIDga aloqador kontrabandachi bilan aloqani faqat muhojirlar AQShga kirganidan keyin anglab yetgan.

• AQSh
• Bayden
• Terrorizm
• Visa