AQSh prezidenti Jo Bayden bo‘ron tufayli Kentukki shtatida favqulodda holat e’lon qildi. Qurbonlar soni kamida 70 nafar deb baholandi, mahalliy hukumat vakillari esa qurbonlar soni 100 dan oshishini aytmoqda. Prezidentning qayd etishicha, yuz bergan tornado mamlakat tarixidagi eng kattasi bo‘lishi mumkin.

"Prezident Bayden Kentukki shtatida favqulodda holat e’lon qildi va yuz bergan hodisaga javob sifatida hamda normal ishlashini qo‘llab-quvvatlash maqsadida federal yordam ko‘rsatishga buyruq berdi", – deyiladi Oq uy xabarida.

Tornadodan Kentukkidan tashqari Arkanzas, Illinoys, Missuri va Tennessi shtatlari ham zarar ko‘rdi. Prezident Bayden qurbonlar soni noma’lumligini qayd etgan. "Bu tariximizdagi eng katta tornado bo‘lishi kerak. Odamlar o‘z turar joylarini, ishlarini yo‘qotdilar, bu fojeadan boshqa narsa emas", – dedi u matbuot anjumanida.

Avvalroq Kentukki shtati gubernatorining tornado keltirgan zarar haqidagi taxminlari berilgan edi.

• AQSh
• Tabiiy ofat