AQSh prezidenti Jo Bayden yana sobiq prezident Donald Trampning NATO haqidagi bayonotlarini, shuningdek, Aleksey Navalniyning o‘limi bilan bog‘liq sharhni tanqid qildi.

Tramp avvalroq AQShning noyabr oyidagi saylovlarida g‘alaba qozongan taqdirda, ittifoqning kelajagini muhokama qilish uchun 2025-yil iyun oyida NATO sammitini chaqirishi mumkinligini aniq aytgan edi.

Janubiy Karolina shtatida o‘z tarafdorlarining mitingida so‘zga chiqqan siyosatchi, prezident bo‘lganida, NATOning ismi oshkor etilmagan “katta mamlakat” rahbari undan Rossiya “hujum qilgan” taqdirda AQSh ittifoqni himoya qiladimi, deb so‘raganini aytdi. Tramp unga bunga yo‘l qo‘yilmasligini aytdi, chunki NATO mamlakatlari mudofaa uchun yetarli mablag‘ ajratmaydilar”.

“Agar biron-bir dushman bizga hujum qilsa, bizning NATO ittifoqchilarimiz bizni qo‘llab-quvvatlashini butun dunyo biladi. Va ular biz ularni ham qo‘llab-quvvatlashimizni bilishadi. Shuning uchun sobiq prezidentning so‘zlari juda xavfli”, – dedi Bayden ijtimoiy tarmoqda e’lon qilingan videomurojaatida.

• AQSh
• Bayden
• Rossiya
• Tramp