“AQSh Ukrainaga 500 million dollarlik yangi harbiy yordam paketini e’lon qiladi”, – deya xabar berdi Associated Press mamlakat rasmiylariga tayanib.

Ushbu yordam paketi rasmiy tarzda Kiyevga yordam berish bo‘yicha aloqa guruhining payshanba kuni Germaniyada bo‘lib o‘tadigan yig‘ilishida e’lon qilinadi.

Rossiya Ukrainaga qurol yetkazib berish kelishuviga to‘sqinlik qilmoqda, Moskva NATO mamlakatlarining to‘g‘ridan-to‘g‘ri mojaroga aralashuvini “o‘t bilan o‘yin” deb hisoblaydi. Rossiya TIV rahbari Sergey Lavrov Ukraina uchun qurol-yarog‘ni o‘z ichiga olgan har qanday yuk Rossiya uchun nishonga aylanishini ta’kidlagan.

Uning so‘zlariga ko‘ra, AQSh va NATO mojaroda bevosita ishtirok etmoqda, nafaqat qurol-yarog‘ yetkazib bermoqda, balki Buyuk Britaniya, Germaniya, Italiya va boshqa mamlakatlarda kadrlar ham tayyorlashmoqda. Kremlning ta’kidlashicha, Ukrainani G‘arbdan qurol bilan ta’minlash muzokaralarga hissa qo‘shmaydi va unga aks ta’sir ko‘rsatadi.

• AQSh
• Bayden
• Ukraina