AQSh prezidenti Jo Baydenning faoliyatini ma’qullash reytingi 37 foizga tushib ketdi. Bu uning mazkur lavozimda qayd etgan navbatdagi antirekordi hisoblanadi.

Mahalliy aholi vakillari orasida o‘tkazilgan so‘rovnoma natijalariga ko‘ra, Oq uy rahbarining faoliyatini ma’qullash reytingidagi ko‘rsatkichlar so‘nggi 19 oy mobaynida 40 foizni tashkil qilgan, faqatgina o‘tgan yilning iyul oyida ko‘rsatkich 38 foizga tushgan.

Demokratlarning 83 foizi, respublikachilarning esa bor-yo‘g‘i 4 foizi Baydenning faoliyatini ma’qullab ovoz bergan.

So‘rovnomada amerikaliklardan mamlakatdagi iqtisodiy vaziyatga baho berish ham so‘ralgan. Ishtirokchilarning atigi 16 foizi iqtisodiy vaziyatni yaxshi deya baholagan bo‘lsa, 47 foizi vaziyatning yomon ekanligini ta’kidlagan. 19 foiz aholi vaziyat yaxshi tomonga o‘zgarishiga ishonch bildirgan, 75 foiz ishtirokchilar esa buning teskarisini aytishgan.

• AQSh
• Bayden
• Jahon
• Siyosat
• reyting
• xabar