Prezidentning tegishlii Farmoniga muvofiq, 2022-yilda dam olish kunlari belgilandi. Unga ko‘ra, 2022-yilda 3-yanvar — dushanba, 4-yanvar — seshanba qo‘shimcha dam olish kuni etib belgilandi. O‘tgan yilga Farmonga ko‘ra esa 31-dekabr ham dam olish kuni va o‘zbekistonliklar bu yil Yangi yil bayramida 5 kun dam oladi.

Biroq ayrim xodimlarga mazkur kunlarda navbatchilik to‘g‘ri kelishi yoxud ishga chiqishga majbur bo‘lishi mumkin.

Qonunchilikka ko‘ra, dam olish kunlari va bayram kunlaridagi ishlar uchun kamida ikki hissa miqdorida haq to‘lanadi.

Amaldagi tartibga ko‘ra, xodimlarni shu kunlari ish beruvchining farmoyishi bo‘yicha ishga jalb etishga faqatgina jamoa shartnomasida, agar u tuzilmagan bo‘lsa, – ish beruvchi tomonidan kasaba uyushmasi qo‘mitasi yoki xodimlarning boshqa vakillik organi bilan kelishib belgilangan asoslar bo‘yicha yo‘l qo‘yiladi.

Shuningdek, ishlab chiqarish-texnika sharoitlari va boshqa sharoitlarga ko‘ra ishni to‘xtatib turish mumkin bo‘lmagan joylarda, aholiga xizmat ko‘rsatish zarurati bo‘lgan ishlarda, shuningdek, kechiktirib bo‘lmaydigan ta’mirlash va yuk ortish-tushirish ishlarida bayram (ishlanmaydigan) kunlari ishlashga yo‘l qo‘yiladi.

• O‘zbekiston
• Yangi yil
• Yanvar