Poytaxtga kiraverishda o‘zini ichki ishlar organlari xodimi sifatida ko‘rsatgan shaxs qo‘lga olindi. Bu haqda Yo‘l harakati xavfsizligi davlat inspeksiyasi matbuot xizmati xabar bermoqda.

Qayd etilishicha, hammasi 5-noyabr kuni kechqurun poytaxtning Bektemir tumani postida sodir bo‘lgan. Yo‘l-patrul xizmati xodimlari hujjatlarni tekshirish jarayonida ichki ishlar xodimi kiyimidagi erkak boshqargan avtomashinani to‘xtatdi.

Biroq haydovchining asabiylashgan xatti-harakat qo‘riqchilarda shubha uyg‘otgan. Natijada xodimlar batafsil tekshiruvni boshladilar.

Keyinroq maʼlum boʻlishicha, poytaxtga Toshkent viloyatidan kirib kelgan ushbu fuqaroning “soxta”ligi aniqlangan. U ilgari hech qachon Ichki ishlar vazirligi roʻyxatida boʻlmagan.

• IIB