Belarus Shanxay hamkorlik tashkilotiga (ShHT) aʼzo boʻlish uchun ariza tayyorladi. Bu haqda Rossiya prezidentining ShHT boʻyicha maxsus vakili Baxtiyor Hakimov ma’lum qildi.
“8-kuni men Belarus Tashqi ishlar vazirligi bosh boshqarmasi boshlig‘i bilan maslahatlashgan edim, u Belarus tomoni ularni ShHTga zudlik bilan qabul qilishni so‘rashini aytdi va prezidentning tashkilotga murojaat etishi uchun taklif tayyorlanganini aniq aytdi”,– deydi Hakimov Toshkentda bo‘lib o‘tgan ShHT Milliy muvofiqlashtiruvchilari kengashi yig‘ilishida.
Qayd etilishicha, joriy yil 15–16-sentabr kunlari Samarqand shahrida ShHTga aʼzo davlatlar rahbarlarining sammiti oʻtkazilishi rejalashtirilgan.
Ma’lumot uchun, ShHT 2001-yilda tashkil etilgan xalqaro tashkilotdir. Hozir tashkilot sakkiz davlatdan iborat: O‘zbekiston, Qozog‘iston, Qirg‘iziston, Xitoy, Rossiya, Tojikiston, Hindiston va Pokiston.
Xususan, 2017-yil iyun oyida ShHTga aʼzo davlatlar rahbarlari Hindiston va Pokistonni qabul qilish toʻgʻrisidagi qarorni imzolagan edi. ShHTda kuzatuvchi davlatlar Afgʻoniston, Belarus, Eron va Moʻgʻuliston, hamkor davlatlar Ozarbayjon, Armaniston, Kambodja, Nepal, Turkiya va Shri-Lankadir.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!