Белгияда 2 километр узунликдаги ифторлик дастурхони ёйилдиBelgiyaning Flamand mintaqasidagi Borgerxaut shahrida yakshanba oqshomida uzunligi kamida 2 kilometr bo‘lgan iftorlik dasturxoni yoyildi. Bu haqda “Kazinform” xabar berdi.

Iftorlik tadbiri Tyurnxautsebaan ko‘chasida tashkil etilgan. Unga esa 6 mingga yaqin odam yig‘ilgan.

“Bu yil katoliklarning Pasxasi musulmonlarning muqaddas Ramazon oyi o‘rtalariga to‘g‘ri keladi. Shuning uchun biz iftorlikka ko‘proq odamlarni yig‘ishni xohladik”, - dedi Belgiyadagi turli diasporalarni birlashtirgan FMV tashkiloti vakili Latifa El Morabit.

Iftorlikka tashrif buyurganlar Falastin guruchli taomlari, makaron salati yoki Marokash oshidan tatib ko‘rdilar.

O‘tgan yili Borgerxautda 1 kilometrlik dasturxon boshida iftorlik uyushtirildi. Tuman hokimligi tashabbusi bilan joriy yilda yana bir kilometr qo‘shildi.

Belgiya ommaviy axborot vositalarining qo‘shimcha qilishicha, Qatarning “Al Jazeera” telekanali Borgerxautdagi "rekord"ga alohida reportaj bag‘ishlagan.

• Belgiya
• iftorlik