Benzin narxlari haqida maʼlumot berib berib turuvchi Telegram-bot ishga tushiriladi. Bu haqda Monopoliyaga qarshi kurashish qoʻmitasi xabar berdi.

Qayd etilishicha, isteʼmolchilarning xabardorligini oshirish, jumladan avtotransport haydovchilariga AYoQShlardagi benzin chakana narxlari toʻgʻrisidagi maʼlumotlarni olishda qulaylik yaratish hamda chakana narxlarni nazorat qilish (monitoring oʻrnatish) va bunda jamoatchilik ishtirokini kengaytirish maqsadida “Benzin narxi bot” telegram-bot joriy etiladi.

Shuningdek, qoʻmitaning maʼlum qilishicha, bu boʻyicha batafsil maʼlumot tez kunlarda OAV hamda rasmiy sahifalarda eʼlon qilinadi.

Eslatib oʻtamiz, avvalroq benzin narxlarini barqarorlashtirish boʻyicha ishlar davom etayotgani haqida xabar berilgan edi.

• Aksilmonopoliya
• Benzin