AOKAda o‘tkazilgan matbuot anjumanida Monopoliyaga qarshi kurashish qo‘mitasi raisi o‘rinbosari Farrux Karabayev benzin narxining ko‘tarilishi masalasi bo‘yicha bayonot berdi. Unga ko‘ra masalani o‘rganish bo‘yicha idoralararo ishchi guruh ishlamoqda.

"Qayerda bozor mexanizmlari asosida tabiiy o‘sishga erishilgan bo‘lsa, biz unga ta’sir ko‘rsata olmaymiz. Lekin sun’iy ravishda yuzaga keltirilgan, kelishib qilingan, manipulyatsiya harakatlariga ta’sir ko‘rsatish mumkin.

Xususan, benzin narxi oshishida ham manipulyatsiya holatlari, arzon narxdagi benzinni sun’iy ravishda annulyatsiya qilish alomatlari aniqlandi. Bunga albatta kerakli choralar ko‘riladi", – dedi Karabayev vaziyatni tushuntirarkan.

Bundan tashqari, qo‘mita bozorni to‘yintirish, arzon narxlar asosida kichik xaridorlarga imkoniyat berish masalasiga ham e’tibor qaratmoqda. Farrux Karabayev oddiy AYOQSHlarning benzinni olishi va zaxirasini to‘ldirishiga imkoniyat yaratish maqsadida lotlar kichik hajmda qilinmoqda ekanligini ham aytib o‘tdi.

• Benzin
• O‘zbekiston