Yaqin yigirma yil ichida yangi pandemiya boshlanishi mumkin. Bu haqida milliarder Microsoft asoschisi Bill Geyts Diario nashriga bergan intervyusida ma’lum qildi. 

“Bu grippning bir turi, boshqa turdagi koronavirus bo‘lishi mumkin. Va bu bizga hech bo‘lmaganda qanday davolanish va vaksina olish haqida ma’lumotga ega bo‘lishimizga imkon beradi. Ammo boshqa narsa ham bo‘lishi mumkin. Bu inson tomonidan yaratilgan virus, uni ishlab chiqqan va ataylab tarqatgan bioterrorchi bo‘lishi mumkin”, deydi u.

Ma’lumot uchun, 2022-yil yanvar oyida Geyts dunyo koronavirusdan ham xavfliroq pandemiyaga duchor bo‘lishi mumkinligi haqida ogohlantirgan edi.

Bill Geyts ayni damda dunyoning to‘rtinchi eng boy odami hisoblanadi. Forbes ma’lumotlariga ko‘ra, uning boyligi 129 milliard AQSh dollarni tashkil qilgan.

• Bill Geyts
• koronavirus
• pandemiya