280 ga yaqin o‘zbekistonlik Janubiy Koreyaning Ulsan shahridagi kemasozlik korxonalarida ishlash uchun o‘qitiladi. Bu haqda The Korea Times nashri xabar berdi.

Darslar 18-mart kuni boshlanadi va O‘zbekiston hududida o‘tkaziladi. Dastur xarajatlari Koreya tomoni tomonidan qoplanadi. O‘zbekistonliklar payvandlash va bo‘yash ishlarini o‘zlashtiradilar. O‘qishni tugatgandan so‘ng, ularga Janubiy Koreyada vaqtincha ishlash uchun E-9 vizasi beriladi.

Ishchilarning birinchi guruhi Ulsanga 2025-yil iyul oyida keladi. Ular qo‘shimcha haftalik tayyorgarlikdan o‘tadilar, mamlakat madaniyati, ishlab chiqarish jarayonlari va xavfsizlik choralari bilan tanishadilar.

• Janubiy Koreya
• O‘zbekiston