Trampga uyushtirilgan suiqasd haqida nimalar ma’lum?

Pensilvaniya shtati politsiyachilarining fikricha, AQShning sobiq prezidenti Donald Trampga suiqasd qilgan shaxs yo‘q qilingan va hozirda boshqa shunga o‘xshash tahdid yo‘q.

“Hozircha bizda boshqa tahdid borligiga ishonish uchun hech qanday sabab yo‘q”, – degan shtat politsiyasi vakili Jorj Bivens.

Huquq-tartibot idoralari xodimlari suiqasd uyushtirgan shaxsning yolg‘iz harakat qilganiga ishonadimi yoki yo‘qmi degan to‘g‘ridan-to‘g‘ri savolga politsiya vakili bu haqda gapirishga hali erta ekanligini aytgan.

Eslatib o‘tamiz, Donald Tramp shanba kuni Pensilvaniyadagi otishma tufayli ommaviy nutqini to‘xtatdi. Videotasvirlarda siyosatchining qo‘riqchilari qo‘l ostida olib ketayotgani, qulog‘i qonga belanganligi aks etgan. Keyinchalik Tramp qulog‘idan jarohat olganini va ko‘p qon yo‘qotganini aytgan. AQSh maxfiy xizmati voqea joyiga bir necha bor o‘q uzgan gumonlanuvchini yo‘q qilganini aytdi. O‘q otish paytida tomoshabinlardan biri halok bo‘lgan, yana ikkitasi yaralangan.

• AQSh
• Prezident
• Tramp
• suiqasd