Bosh prokuratura huzuridagi Departamentning hududiy boʻlimlari tomonidan elektr va tabiiy gaz tarmoqlariga noqonuniy ulanish holatlari fosh etilmoqda.

Xususan Andijonda “N.G.” MChJ rahbari M.Sh. va boshqalar korxonaning ishlab chiqarish sexini hech qanday hujjatsiz umumiy foydalanishdagi elektr tarmogʻiga oʻzboshimchalik bilan ulab, 1 mln. kVt/s elektr energiyasidan noqonuniy foydalanganliklari aniqlangan.

Shu kabi, Paxtaobodda “Oʻ.S.” MChJ rahbari T.U. va boshqalar “Maʼrifat” MFY hududidagi gʻisht ishlab chiqarish binosini hech qanday hujjatsiz umumiy foydalanishdagi elektr tarmogʻiga oʻzboshimchalik bilan ulab, 402,9 ming kVt/s elektr energiyasidan noqonuniy foydalanganliklari aniqlangan.

Baliqchi tumanida fuqaro M.M. oʻzining xonadonida tashkil etgan yashirin yogʻ ishlab chiqarish sexini hech qanday hujjatsiz umumiy foydalanishdagi elektr tarmogʻiga oʻzboshimchalik bilan ulab, 276,1 ming kVt/s elektr energiyasidan noqonuniy foydalanganliklari aniqlangan.

Shuningdek, Andijon tumanida esa “E.Sh.” va“M.D.” oilaviy korxonalari rahbarlari ushbu korxonalarning ishlab chiqarish sexi va choyxonani hech qanday hujjatsiz umumiy foydalanishdagi elektr tarmogʻiga oʻzboshimchalik bilan ulab, 159,7 ming kVt/s elektr energiyasidan noqonuniy foydalanganliklari aniqlangan.

Bundan tashqari, Navoiy viloyatida “B.Z.” MChJga qarashli issiqxonada tabiiy gaz sarfi boʻyicha maʼlumotlarni elektron tarzda gaz taʼminoti korxonasi dasturiga joʻnatishga moʻljallanmagan gaz hisoblash uskunasidan foydalanib, jami 72 ming kub tabiiy gazdan noqonuniy foydalanganligi aniqlangan.

Ushbu qonunbuzilish holatlari oqibatida davlat va jamiyat manfaatlariga 934,1 mln. soʻm zarar yetkazilgan.

Maʼlum qilinishicha, mazkur holatlar yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishlari qoʻzgʻatilib, tergov harakatlari oʻtkazilmoqda.

• Departament
• Elektr energiyasi
• Gaz