Sog‘liqni saqlash vazirligi xabar berishicha, O‘zbekistonda koronavirus infeksiyasi, shu jumladan, uning yangi “omikron” shtammi tarqalishining oldini olish bo‘yicha tizimli ishlar amalga oshirilmoqda. Bunga ko‘ra, koronavirus infeksiyasiga qarshi immunitetni oshirish maqsadida joriy yilning 17-noyabridan to‘liq emlangan fuqarolarni buster doza bilan ixtiyoriy emlash tartibi joriy etilgan.

Shu bilan bir qatorda respublika maxsus komissiyasining yig‘ilishida yangi yil arafasida mamlakatimizda epidemiologik vaziyatning barqarorligini saqlab qolish va yurtimiz hududiga koronavirus infeksiyasining yangi “omikron” shtammi kirib kelishiga yo‘l qo‘ymaslik bo‘yicha bir qator masalalar ko‘rib chiqildi. 

Unga ko‘ra, Janubiy Afrika Respublikasi, Botsvana, Namibiya, Zimbabve, Mozambik, Madagaskar, Lesoto, Esvatini, Tanzaniya va Gonkong bilan  xalqaro aviaqatnovlar (kirish, chiqish va tranzit reyslar orqali respublika hududiga kirish) to‘xtatildi.

Mazkur davlatlarning fuqarolari va ushbu davlatlarda doimiy yashovchi fuqaroligi bo‘lmagan shaxslar, shuningdek, so‘nggi 14 kun davomida yuqoridagi davlatlarda bo‘lgan uchinchi davlat fuqarolari O‘zbekiston Respublikasi hududiga kiritilmaydi.

• Aviaqatnov
• O‘zbekiston
• aviatsiya